Бу йылдынъ карагыс айынынъ 14-нши куьнинде муфтий шейхи, Россия Федерациясынынъ мусылманларынынъ дин управлениеси эм Россия муфтийлер советининъ председатели Равиль Гайнутдин Рашид Акказиевти Сырт-Кавказ федераллык округы бойынша Россия Федерациясынынъ мусылманларынынъ дин управлениесининъ председателининъ толы ыхтыярлы ваькили болувы ман кутлады.

Сыйлы Рашид-хазраты! Россия Федерациясынынъ мусылманларынынъ дин управлениеси эм Россия муфтийлер советининъ председатели эм оьзимнинъ атымнан Сырт-Кавказ Федераллык округы бойынша Россия Федерациясынынъ мусылманларынынъ дин управлениесининъ председателининъ толы ыхтыярлы ваькили болувы ман кутлайман.

Ислам дини йолында куллык этуьвде, Сизге, Алла-Тааладынъ коьмекши болганын йорайман. Сиз яшавынъыздынъ коьп йылларын дин бойынша ярыкландырувга эм насихат беруьвине багыслап келдинъиз. Дин баалыкларын социаллык эм маданият баславлары бойынша яйылдырувынъыз бан Сиз оьз ис йолдасларынъыздынъ сый-абырайын эм дин аьрекетшилерининъ арасында уьйкен суьйимин казанып келесиз. Сырт Кавказы сизинъ юрегинъизде уьйкен орынды тутканы эм сол Сизинъ тувган еринъиз болган саялы, Сиз исинъизге толы куьш пен берилип куллык этеегинъизге сенемиз.

Алла-Таала Сизге оьз демевлигин эм онъайлыгын савкатласын! Аминь!