Сургут каласынынъ шатраш клубында ногайлар арасында интеллектуаллык ойынын суьювшилерининъ йолыгысы оьтти.

Шатраш ойыны Сургут каласындагы ногай яслар союзы ман уйгынланган эди. Шатраш ойынында 27 ойын суьювшилери ортакшылык эттилер. Ярыстынъ баьри катнасувшылары да тийисли ярыстылар. Ойын катнасувшылары шатраш ойынын йылы аьлде ойнап калмай, оьзлерининъ таныслары, дослары ман да йолыктылар.
Шатраш ойынынъ 7 кезеклери бойынша:
1-нши орынга – Бораншы авылыннан Темирхан Зарболганов, 2-нши орынга – Каясула авылыннан Мурзабий Манкаев, 3-нши орынга Карагас авылыннан Махач Кидирниязов тийисли этилдилер. Яслар арасында биринши орынды Сейдахмет Етмишев эм кызлар арасыннан Марзие Оразбаева бийледилер.
Баьри ярыс катнасувшыларына Сый грамоталар, медальлер, баргылар тапшырылдылар.
Шарадынъ сонъында Сургут каласындагы Ногай яслар союзы келеек йылда балалар эм айырым уьйкенлер арасында шатраш ойыны бойынша турнирин озгармага ниети бары акында билдирди.
Суьвретте: шарадан коьринис.