Сыйлы Эльмира Юнусовна!

Сизди эм «Шоьл тавысы» республикалык газетасынынъ коллективин дуныя юзине онынъ биринши номери ярык коьргенли 90 йыллыгы ман ак юректен кутлайман.
90 йыл – ол сизинъ газета бетлеринде оьзининъ акыйкатлы эм дурыслы аьлде коьрсетилип келген савлай бир оьмирге якын заман. Бу баьри, бирерде бизим ямагатымыз уьшин кыйынлы, йыллар бойы «Шоьл тавысы» Дагестанда, солай ок онынъ узактагы тысларында да, баьри ногай халкы уьшин билдируьвлердинъ маьнели эм сыйлы булакларынынъ бириси болган. Эм буьгуьнде бу баспа шыгармасы тек бизим республикамыздынъ тувыл, савлай Сырт Кавказдынъ, ямагат-политикалык яшавынынъ яркын бетлерининъ бириси болган, ол дайым да тувган еримиздинъ бактылы оьзгерислерине белсенли карыслылыгы ман эм оьз борышына кеспилик усталыгы болып караслыгы ман баскаланган. Ана тилин, кыйын суьйген эм зейинли халктынъ этно-маданиятлык яктан оьз айырым баскалыкларын саклавда сизинъ туткан орынынъыз бек маьнели эм уллы.
Сизге эм савлай коллективке берк ден савлыгын, армаганда яратувшылык уьстинликлерин, янъы ой-токтасларды эм янъы баславларды, яшавга етимисли шыгарувды уьйкен разы болган газета окувшыларын йорайман.

С.МЕЛИКОВ, Дагестан Республикасынынъ Аькимбасы.