Аявлы ис йолдаслар!

Сизди республикадынъ ямагат эм маданият яшавында ийги оьзгерис – «Шоьл тавысы» газетасынынъ 90 йыллыгы ман ак юректен кутлайман.
Ызгы йыллар бойында газета тувган ерининъ йылязбасы, онынъ яшавынынъ бияласы болды. Оьз заманларында туьрлише аталып шыгарылатаган газета оьсип эм оьрленип, оьз окувшылары ман бирге ямагат яшавынынъ туьрли тармаклардагы етисуьвлерге суьйинген, ямагат ой-токтасты кеплеп, оьз халкынынъ куьндегилик яшавы, онынъ тарихи, аьлиги маьселелери эм уьстинликлери акында язув ман оьз окувшыларына аян билдируьвлерди еткерген – акыйкатында да, ногай халкы уьшин шоьл сеси болган. Баьри тарих болжалларда, баьри заманларда эм ямагат яшавынынъ туьрли вакытларында газетадынъ халк пан бирге болув, онынъ ой-токтаслары эм керексинуьвлери акында язув деген позициясынынъ маьнелиги туьрленмей сакланган. Эм буьгуьнде, ногай халкынынъ туьрли яклы яшавынынъ баьри маьнели оьзгерислери акында язып, газета тувган тилди, миллет маданиятын эм аьдет-йорыкларын, анъ-эдап баалыкларын саклав уьшин аьрекет этеди. Газета социал-экономикалык эм политикалык онъайлыкты беркитуьвге, ямагат арасында парахатлыкты эм миллетлер ара макулласувды саклавга оьз уьлисин косады.
Сенимлик пен айтаман: «Шоьл тавысы» газетасынынъ редакция коллективи дайым да аян позициясы ман, баьри болатаган затларга, баьри янъылыкларга, терен анъ-эдап баславларга эс каратув ман баскаланатаган миллет дагестан журналистикадынъ ийги аьдет-йорыкларын армаганда бардыраяк эм беркитеек.
Аявлы дослар! Ак юректен сизге янъы кызыклы темаларга язылган туьрли баспалавлар шыкканды, уьйкен окувшылар аудиториясы болганды, кеспилик уьстинликлер йорайман. Берк ден савлык сизге, баьри ислеринъизде эм баславларынъызда онъайлык!

Умаросман Гаджиев, Дагестан Республикасынынъ информация эм баспа министри.