2021-нши йылдынъ кырк кийик айында Россия Федерациясынынъ Халк Йыйыны эм Государстволык Думасына сайлавлар оьтеек. Увыт айында Государстволык Думасынынъ фракцияларынынъ етекшилери мен озгарылган кенъесте Россия Президенти Владимир Путин аьр заман Дума белсен эм йогары кеспили аьрекетлейди деп айтты. Онынъ айтувы ман, Россияда парламент сайлавлар бек керекли, олар миллет проектлердинъ борышларын толтырувга, гражданлардынъ яшавын ийгилендируьвге маьнели боладылар.

Аьдемлер ийгиликке туьрленислерди тек куьтип калмай, куьн сайын аьдилликти талаплайдылар. Айырым яваплылык «большая четверкадынъ» партияларына туьседи.
– Кеширинъиз, тек урсысып турган ман болмайды, элди оьрлендируьв йолларын белгилеп, оьз куллыгын коьрсетуьв керек, – деди Россия Президенти.
Сайлавлар ашык, аьдил, таза болып оьтуьв керекли. Дагестан Республикасында сайлавларды уйгынлав эм оьткеруьв бойынша ямагат штабы туьзилген. Янъыларда Махачкала каласында мен семинарда катнастым. ДР сырт зонасында (Кизляр – Ногай районы – Южносухокумск) ортак каравшыларга коькек айынынъ 3-нши куьнинде окытув семинар озгарылаяк.
Э.Саитов,
Ногай районынынъ Ямагат палатасынынъ председатели.