Магомет Кожаевтинъ дуныядан таювы тек онынъ аьели эм кардаш-ювыклары уьшин тувыл, савлайы ногай халкы уьшин каты кайгы.

Биз оны ман тек ис аьрекети яктан йолдаслар болып калмай, аьеллеримиз бен де аьллескенмиз. Магометте шынты ян-коьнъил тамыры, оьз ногай халкына эм коьпмиллетли дагестан халкларына каратылган йогары патриотизм сезими бар эди. Аьдем. Патриот. Профессионал. Бу баьри соьзлер де ога келисли эди.
Биз оны ман отыз йылдан артык заман дослар кепте катнасканмыз… Магомет Кожаевтинъ таза эм ярык, досларына алал келпети эсимизде оьмирге тураяк.
Умар Якиев, «Нийсо-Дагестан» республикалык газетасынынъ бас редакторы.