Янъы йыл байрамын тынышлыкта йолыгар уьшин тийисли йорыкларды да тутпага керек болады. Янъы йыл байрамы ювыклап келгенде, биревге де ясыртын тувыл туькенлерде атылатаган кайдай алатлар да сатылып, олар ман пайдаланатаганлар да коьп боладылар, тек олар сол алатлар ман пайдаланув йорыкларды билмейдилер.

Соны ман байланыста ямагат тынышлыгын саклар ниет пен Ногай районымыз бойынша аьр йыл сайын йылдынъ карагыс айыннан алып эндиги йылдынъ канътар айынынъ ортасына дейим «Пиротехника» деп аталган оперативли-профилактикалык операция озгарылады. Бир инсанга да ясыртын тувыл, бизим туькенлерде сатылатаган пиротехникалык алатлардынъ 75 проценти тийисли йорыкларды оьтпеген боладылар эм солар кавыфсызлык талаплайтаган бир кагыйдаларга да келиспейди. Янъы йыл байрамы аьдетинше балалардыкы деп белгиленеди. Эгер балаларынъызга сол ярыклардынъ ярасыклыгын коьрсеткинъиз келетаган болсанъыз, оьзинъиз янларында болып, оьзинъиз сол алатлардынъ атылувында тийисли йорыкларды тутып, коьрсетпеге боласыз. Янъы йыл байрамы байрам болып оьткенди аьр биринъизге йораймыз. Янъы 2022-нши йыл хайырлы аягы ман кирсин!
Н.Каракаев,
Ногай районы бойынша Россия МВД боьлигининъ етекшиси, полиция подполковниги.