Ногай районында яс тереклер олтыртув бойынша куллыклар юритиледилер деп билдиргенлер «Республика орманлары» деген ДР ГБУ пресс-службасында.

«Ведомство бу ислерди Ногай лесничествосынынъ куллыкшылары ман бирге оьткерген. Олар аьли 150 мынъ карагаш (вязь) тереклерин олтыртканлар, 50 гектар майданда сол тереклерди олтыртув уьшин ерлерди янъы трактор эм сабаннынъ ярдамы ман айдаганлар», – деп белгилейди ведомство.
Даглесхоз басшысы Вагаб Абдулхамидовтынъ соьзлери мен, Ногай районында орманларды янъыдан оьстируьв ислери баьриси де быйылдынъ карагыс айынынъ баслапкы куьнлерине дейим кутылмага каралган.