«Ногайский район» МР администрациясы редакция коллективин кеспи байрамы – Россия Баспа куьни мен ак юректен исси кутлайды.

Пресса – ямагат арасындагы ой-коьнъилликти коьрсетуьвши, власть эм ямагат аралыгын кеплевши баспа тармагы. Сизинъ айтувынъызга эс каратадылар, сизден аян эм толы билдируьвлерди куьтедилер. Сизинъ ашык гражданлык позициянъыз, баьри болатаган затларга маьне беретаганынъыз, янъылыкка ашыклыгынъыз дайым да бу кеспи иелерининъ айырым белгилери болган. Журналистлердинъ ис аьрекети авыр эм яваплылы: сизинъ колларда куватлы савыт-садагы эсабында – соьз. Сиз окувшыларга аьлиги аьллерде оьзин юргистуьвге эм тутувга эп туьзетаган маьнели эм керекли билдируьвлер еткересиз.Буьгуьнде «Шоьл тавысы» газетасын Ногай районынынъ йылязбасы деп атамага болады. Оьткен йылда район эм редакция коллективи уьшин сыйлы мерекели оьзгерис – газетадынъ биринши номери баспадан шыкканлы 90 йыллыгы белгиленди. Сол йыллар бойында газетамыз район оьрленуьвининъ баьри болжаллары, онынъ ямагат-политикалык, маданият яшавы, аьдемлердинъ бир неше несиллерининъ уьстинликлери эм етисуьвлери акында язган эм язады.Россия Баспа куьнинде сизге язув оьнерлигин артканды, янъы проектлерди, яркын яратувшылык ислерди яшавга шыгарганды йорайман. Дайым да кызыклы болып калынъыз, халк арасында сый-оьрметлигинъиз артсын. Тираж саны оьссин, йогары рейтинглер эм янъы етимислер болганын йорайман. Наьсип эм онъайлык сизге эм сизинъ ювыкларынъызга!
М.Аджеков,
Ногай район аькимбасы.