РФ Ис эм социаллык оьрленуьв ми- нистерствосы янъы 2021-нши йылдагы байрам куьнлерининъ календарин аьзирлеген. Министерствода билдиргенлей, тыншаюв куьнлерининъ янъыртылган графиги организациялардынъ эм гражданлардынъ туьрли туьркимлерининъ кызыксынувларын эсапка алув негизинде туьзилген.

Сога коьре, 2021-нши йылда янъыйыллык таркавлары 1-нши январь айыннан 11-нши январь айына дейим, 10 куьн деп белгиленген. Соны ман россиянлылар уьшин байрамлар ман байланыслы тыншаюв куьнлери деп 21-23-нши февраль (Аталыкты саклавшы куьнине), 6-8-нши март (Халклар ара хатын-кызлар куьнине), 1-3-нши май (Язлык эм ис байрамына), 8-10-ншы май (Енъуьв куьнине), солай ок 12-14-нши июнь (Россия куьнине) эм 4-7-нши ноябрь (Россия халкларынынъ бирлик байрамына) куьнлери белгиленген.
Келеяткан йыл 31-нши декабрь куьни де тыншаюв куьни болаяк. Соны ман янъы 2021-нши йылда янъыйыллык таркавларына тагы да бир куьн, ноябрь айында болса Россия халкларынынъ бирлик байрамына 4-нши ноябрьден 8-нши ноябрьге дейим 4 тыншаюв куьнлери косылады. Солай ок, юма сонъгы тыншаюв куьни 20-ншы февральден дуьйсемби куьн 22-нши февральге коьширилген.