Аьперим сага, артист, аьперим,
Сыхырлы, кайратлы исинъе.
Савкатлайсынъ бизге суьйиниш,
Нур себилген ярасыклы юзинъе.

Оьнеринъе, артист, аьперим,
Сен сахнада яркырайсынъ, яйнайсынъ.
Каравшылар бередилер суьйимин,
Карс кагувды аьр дайым да аклайсынъ.

Сыхырлыгынъ, йигерлигинъ коьринип,
Сен аямай, талабынъды себесинъ.
Янынъа да, артист, аьперим.
Уьстинликке зейинлик пен етесинъ.

Аьперим деп сага, артист, айтамыз,
Эм коьп этип уьстинликлер йораймыз.
Сени коьрип, сейирликке каламыз,
Карс кагамыз эм сукланып караймыз.
Гульфира Бекмуратова.