Кизляр районынынъ аькимбасы Аким Микиров туьрли аьризелер бойынша гражданларды кабыл этип алды. Район аькимбасы ман согыс спецоперация катнасувшылары Руслан Омаров, Абакар Абакаров эм Арсен Курбанов йолыгыстылар. СВО катнасувшылары ман йолыгыста «сельсовет «Южный» СП депутаты Халидшах Расулов, солай болып, администрация аькимбасынынъ орынбасары Мурад Багандов та катнастылар. Муниципалитет етекшисине барувынынъ бас мырады йол тармагын ийгилендируьв эди. Кенъестинъ тамамы бойынша муниципалитет аькимбасы туьскен тилек бойынша айырым анълатувларын этти. Солай болып, Южное авыл ваькиллерине ювык арада йолларды онъайлы ийгилендирер уьшин, уьйкен амал беретаган «Ерли баславлар» программасына белсенли кириспеге маслагатын берди. Йолыгысты тамамлай келип, Аким Микиров гражданларга белсенлиги уьшин разылыгын билдирди эм сондай тувра кенъеслер биргелес пайдалы аьрекетлевдинъ маьнели алаты болатаганы акында да айтты.
Белгилеп озайык, 2025-нши йылда Южное авылында йол тармагынынъ маьнели кесеги ярастырылган эди. Капиталлык ремонты бойынша эки орамлары, айтпага, «Меним Дагестаным – меним йолларым» регионаллык проекти бойынша – Молодежная эм «Ерли баславлар» деген программа бойынша Теречная деген эки орамлары ярастырылганлар.
Э.Кожаева.
Суьвретте: шарадан коьринис.