Чернобыль АЭС-нда болган баьле-казадынъ ызларын тайдырувшы йолдасларым!

Быйыл 26-ншы апрельде Чернобыль атомлы электростанциясында болып оьткен баьле-казага 40 йыл толады. Аьскершилик бактымыз бойынша бизге Чернобыль, Припять, сол кайгылы эм эстеликли куьн ортак эм ювык болып калды. Бу баьле-каза бизге тынышлы атом оьзининъ кораланган ериннен кырга шыкса, кайдай кавыфлы экенин коьрсетти. Чернобыльшилер сонынъ алдын оьз коькиреклери мен ябып, Элди атом увыннан коршалавда дуныяда болмаган уллы баьтирлик коьрсеткенлер.
Алдынгы СССР Оькиметимиз аьрекетли аьлде радиациядынъ армаган яйылувын иркуьв ислери басланувын билдирди. Сол куллыкларда бизим Ногай районымыздан 33 аьдем ортакшылаган. Олардан буьгуьнге тек 17 аьдем калган.
Баьри ямагатка, аьзиз тенъ-йолдасларыма берк ден савлыкты, тынышлыкты, коьп яхшылыкларды, коьтеринъки коьнъилди, наьсипти йорайман!
Ногай районынынъ Чернобыль АЭС-нда болып озган баьле-казадынъ ызларын тайдырувда катнасувшылар советининъ председатели Р.Кунтувганов.