Апрель айынынъ 26-сы – Россия Федерациясында эстеликли куьн. 40 йыл артта ЧАЭС атылып, энъ де уьйкен техногенли катастрофа болган куьн. Радиоактивли кара булыт тек Украинады эм онынъ ювыгындагы регионларды каплап калмай, Куьнтувар эм Сырт Европага да яйылды.
Бу XX оьмирдинъ энъ де уьйкен экологиялык казасы деп саналады, сонынъ калдыкларын тайдырув бир неше миллионлаган аьдемлердинъ бактыларын туьрлендирди. Атомлы баьле-казады енъуьв сонынъ калдыкларын тайдырувда катнаскан аьдемлердинъ эрлиги эм йигитлиги аркалы келген.
Бу куьнди белгилеп, биз ЧАЭС баьлесининъ калдыкларын тайдырувда катнасканларга сый эм оьрмет этемиз. Бизим борышымыз – оьзининъ яшавын, ден савлыгын аямай, элге келген кыйынлыктынъ алдын шалувга турганларды мутпав.
Сыйлы ЧАЭС баьле — казасынынъ калдыкларын тайдырувда катнасканлар, Эл алдында толтырган борышынъыз уьшин разылыгымды билдиремен, ден савлык эм онъайлык, баьри ийгиликлер сизге эм аьеллеринъизге.
«село Терекли-Мектеб» СП МО аькимбасы М.Кулунчаков.