Янъы йыл алдында Ногай район администрациясынынъ ислерин кесек заманга юритуьвши Алия Кусегенова согыс спецоперациясынынъ катнасувшыларынынъ балаларын Червленные Буруны авылында байрам ман кутлады. Ол, коьтеринъки коьнъил аьлин туьзип, саьбийлерге савкатлар тапшырды. Алия Кусегенова бу куьнлерде Элимиздинъ кызыксынувларын коршалап турган йигитлердинъ аьеллерин коьтергишлевдинъ маьнелигин белгиледи. Шарада Червленные Буруны авыл аькимбасы Рустам Абдулбариев, Ногай район администрациясынынъ АТК боьлигининъ начальниги Эльмира Нукаева эм ерли маданият уьйининъ етекшиси Феруза Аманкаева ортакшылык эттилер. Авыл басшысы Рустам Абдулбариев йыйылганлардынъ баьрине
де коьтергишлеви эм шарада катнасувы уьшин разылыгын билдирди, эр борышын толтыраятканлардынъ аьеллерин эм балаларын коьтергишлев бек
маьнели экенин аянлады.
Сондай шара Ногай районынынъ администрациясы ман уйгынланып, Янъы йыл алдында Карагас эм ОртаТоьбе авылларында озды. Мунда эки авыллардынъ
аькимбаслары Мурат Капашов (Карагас) эм Загир Насыров (Орта-Тоьбе) катнастылар. «Ногайский район» МР аькимбасынынъ орынбасары Рашид Шангереев эм коррупцияга карсы турув бойынша коьмекшиси Руслан Аджиев балаларга таьтли савкатлар бердилер. Рашид Сейпидин увылы саьбийлерге берк ден
савлык, окувда уьстинликлер, коьтеринъки коьнъил йорады.
Руслан Аскерхан увылы балаларга баьри мыратлары толганын сагынды. Ол оьз соьйлевинде Аталыгымыздынъ коршалавшылары – олардынъ аталарына сый эм разылык пан карайтаганын билдирди.
Шатлыкта Карт Бабай эм Карлыгыз балалар ман бирге йырладылар, ятлавлар айттылар.
Оьз аталарын узактан карап турган балалардынъ коьнъили сол куьн бек коьтеринъки болды.