Сыйлы ердеслер, Чернобыль АЭС баьле-казасынынъ калдыкларын тайдырувшы аявлы ветеранлар!
Буьгуьн биз аьдемшиликтинъ тарихининъ энъ кайгылы куьни – Чернобыль АЭСде болган баьле-казасынынъ 40 йыллыгын белгилеймиз.
Буьгуьн биз савлай дуныяга кавыф тувдырмага болаяк баьле-казасынынъ калдыкларын яйылдырмас уьшин савлыгы эм янынынъ баасы ман токтатканларды эске алатаган вакыт.
Биз, оьз акында ойланмай, коьзге илинмейтаган, ама оьлимге аькелетаган кавыфсызлыкка карсы турган аьдемлердинъ йигитлиги алдында бас иемиз. Солардынъ арасында бизим ердеслеримиз – Ногай районынынъ яшавшылары да болганлар.
Буьгуьнде яшав оьмирин суьредилер районымыз еринде Чернобыль АЭС баьле-казасынынъ калдыкларын тайдырувшы-ветеранлар.
Олардынъ аьр кайсысы – йигитлик, эрклик эм эр борышына алаллыктынъ уьлгиси.
Бу аьдемлер, эш ойланмай, артык оьлшемли радиация бар еринде авыр борышларды толтырганлар: радиациядан кирленген ерлерди тазалаганлар,
коршаланув яракларды курганлар, оьлшев эм сондай коьплеген ислерди озгарганлар.
Саклаймыз биз эсимизде буьгуьнде арамызда йок ердеслеримизди. Олар акында эстелик – ол тек кайгырув тувыл, солай ок олардынъ коьп несиллерге кавыфсызлыкта яшамага эп тувдырган йигитлиги уьшин разылык.
Ногай район администрациясы эм оьзимиз атыннан ветеранларчернобыльшилерге юрек терениннен разылыгымызды билдиремиз. Уьйкен савбол сизге берклигинъиз уьшин, элимиз сизде керексингенде, шетте калмаганынъыз уьшин!
Сизинъ йигитлигинъиз – яслар уьшин баьтирлик дериси, шынты патриотизмнинъ коьрими. Бу эстеликли куьн биз борышлымыз: баьле-казасы эм онынъ баьтирлери акында эсти сакламага, ветеранларчернобыльшилердинъ ден савлыгы эм онъайлыгы акында каьр шекпеге, сондай баьле-казасын болдыртпас уьшин оьсип келеяткан несилге Чернобыль акында дурыслык пан хабарламага. Бизим ветеранларчернобыльшилерге, керекли социаллык коьмегин тийгистип, артык эс каратув ман биз колдан келген баьри затты да этермиз.
Йигитлигинъиз уьшин бас иемиз сизинъ алдынъызда, аявлы ветеранлар! Берк ден савлык, онъайлык, узак яшав оьмири сизге эм сизинъ ювыкларынъызга! Сол оьзгерислер акында эс дайым да бизге аьдем яшавынынъ баалыгы эм келеектеги несиллер алдында яваплылы болмага керекти эсимизге салады.
«Ногайский район» МР администрациясынынъ аькимбасы Д.Эсиргепов.
«Ногайский район» МР Депутатлар йыйынынынъ председатели А.Менласанов.
