Сергей Меликов СВО катнасувшыларынынъ ювыкларына аьскершилер эстелигин саклавда эм ясларды патриотлык тербиялавда белсенли позициясы
болганга оьз разылыгын билдирди.
«Помним СВОих» китабининъ презентациясында Дагестан Республикасынынъ Аькимбасы Сергей Меликов аьскершилер аьеллерине баьтирлер атларын оьмирлетуьвге
эм яс несилди патриотлык тербиялавга олардынъ эткен косымы уьшин оьзининъ разылык соьзлерин каратты.
«Бизим баьтирлеримиздинъ баьри ювыкларына эм кардаштувганларына, аналарга эм боьтен де аьскершилер аьлейлерине юрек туьбиннен оьз разылыгымды билдиремиз. Буьгуьнлерде сиз, оьз аьеллеринъиздинъ яшавын саклап, оьз эрлеринъиздинъ ислерининъ бардырувшылары боласыз.
Сизинъ куьш-куватлыгынъыз олар акында эс Дагестаннынъ аьр аьелинде яшасын дегенге каратылган», – деп белгиледи республика етекшиси шара барысында.
Айырым разылыгын билдирди Сергей Меликов бу баславдынъ авторы Патимат Пайзулаевага: согыс спецоперация барысында эрин йойган сонъ, ол ян берген СВО катнасувшыларынынъ тул хатынларын эм аналарын бирлестиретаган «Куьш бирликте» организациясын басшылады. Патиматтынъ куллык этуьв болжалы ишинде
маьнели патриотлык баславлар яшавга шыгарылды, сонынъ ишинде – «Баьтирлер балалары» фотовыставкасы.