Уьстимиздеги йылдынъ канътар айынынъ 23-нши куьнинде Кизляр районынынъ аькимбасы Аким Микиров яраланган сонъ эмленуьвди оьткен согыс спецоперация катнасувшысы Назим Ахмедов пан йолыгысты. Оннан алдын Аким Микиров оьзининъ орынбасары Зарема Агакшиева ман бирге аьскершидинъ уьйинде конакта болып кеттилер. Олар Назим Алиабасовичтынъ коьрсеткен йигитликлерин белгилеви мен, онынъ анасына аьскер боьлигининъ етекшилеви атыннан Разылык хатын тапшырдылар.

Йолыгыстынъ барысында район аькимбасы аьскершидинъ ата-анасына шынты патриотын, аьскершилик борышын намыслы толтырып келетаган эр
йигитти тербиялаганлары уьшин уьйкен разылыгын билдирди. Назим Алиабасович, 2023-нши йылдынъ сары тамбыз айыннан алып, штурмовик эсабында юрек
шакырувы ман Аталыгынынъ кызыксынувларын яклап кызмет этип келеди. Службасын оьтуьвде ол Россия Федерациясынынъ Савытлы Куьшлери атыннан
йигитлиги эм кеспилиги акында шайытлайтаган Разылык хатлары ман коьп кере белгиленген.
Назим Ахмедов пан йолыгыстынъ барысында муниципалитет аькимбасы онынъ службасы, боьлик аьллери, солай болып, онынъ эм аьелининъ керексинуьвлери
акында соравларын берди. Айырым эс аьскершидинъ ден савлыгына да каратылды.
Йолыгыстынъ сонъында Аким Микиров онынъ йигитлиги эм патриотизми уьшин уьйкен разылыгын билдирди эм тез арада куьш йыйып, ийги болганын эм уьйине аман-эсен Енъуьв мен кайтканын йорады.
Суьвретте: Назим Ахмедов.