Дагестан Республикасы Россия Федерациясынынъ ийги оьрленип баратаган регионларынынъ сырасында болады. Аьлиги заманларда республикамызды Сергей
Алимович Меликов етекшилейди. Сол аьрекетти ол бардырганлы бу куьнлерде бес йыл толады. Сол шаклы йыллар ишинде регионымызда заьлимдей куллыклар этилинген. Аьр кайсы тармакта да туьрленислер болдылар, баьриси де онъайлы деп айтпага боламыз.
Белгилеп озайык, социаллык тармакта:
Аьдемлердинъ кыйын акы 2020-ншы йылдан алып 2025-нши йылга дейим 31,9 мынъ маьнеттен орташа 48,4 мынъ маьнетке дейим оьскен. Ислемейтаган яшавшылар саны коьпке кемиген. Согыс спецоперациясынынъ катнасувшыларына эм олардынъ аьеллерине колтыклав эм коьтергишлев уьшин 26 комплекс шаралары яшавга
шыгарыладылар. «Демография» миллет проекти бойынша коьпбалалы аьеллерге, янъы тувган балага пособиелер тоьленедилер, солай ок бириншилерге – коьлик те бериледи. Патшалык савлыгында кемшилиги бар деп токтастырылган аьеллерге, ветеранларга турак уьйлерин ийгилендируьв уьшин карыж шыгарады.
Ясуьйкенлерге эм сакатларга ийги шартлар туьзиледилер эм оларга карав бойынша пилотный проектлер яшавга киритилгенлер.
Авылхозяйство тармагында болган туьрленислер:
Республикамызда юзим мен каьр шегуьв, шагыр аьзирлев – Дагестанда агропромышленный комплексинде энъ де ийги деп саналады. Бу ис бойынша патшалык колтыклав оьлшеми доьрт кереге оьскен. Сол аслыктынъ мол болувына да себеплигин эткен. Аьлиги заманларда республикада юзим мен
каьр шегетаганларга налоглы тайдырувлар да бар.
Экономика бойынша болган етимислер:
Регионнынъ валовый азыгы 2019-ншы йылдан алып 2025-нши йылга дейим 12, 6 процентке оьскен. Промышленный производство болса, 24 процентке оьскен. Республикамызда яшавга шыгарылатаган миллет проектлер бойынша келетаган инвестициялар 2030-ншы йылга дейим 583 млрд. маьнет акша аькелмеге керек.
ДР Аькимбасы С.Меликов беркитилгеннен бери консолидированный бюджет 43 процентке оьскен.
Маданият тармагында болган туьрленислер:
«Маданият» миллет проекти ишинде регионымызда коьплеген учреждениелер, балалар саниятлар, анъ мектеблер курылганлар. «Лезгинка» патшалык биюв академиялык ансамбли де оьз меканын кулланувга алган. Республикамызда кенъ кепте дагестанлы язувшылардынъ мерекелери белгиленгенлер…
