Уьстимиздеги йылдынъ кырк кийик айынынъ 27-нши куьниннен алып 30-ншы куьнине дейим «Машук» Билимлер орталыгында «Воспитатели со знанием» деген Савлайроссиялык билимлендируьв шара уйгынланып оьтти. Ол мектебке дейимги билимлендируьв тармагындагы янъы токтасларын излестируьв эм сулып пан авысув ниетте майданы эсабында Россия Федерациясынынъ билимлендируьв министерствосы «Знание» деген Россия ямагатлыгы ман биргелесте уйгынланган эди.
Онда Россиядынъ 71 регионларыннан мектебке дейимги билимлендируьв организацияларыннан 180 педагоглар ортакшылык эттилер. Ставрополь крайыннан делегация тизиминде Нефтекум округы бойынша Нефтекум каласыннан «Березка» балалар бавынынъ тербиялавшысы А.Серсенбиева, Коясыл авылыннан «Петушок» балалар бавынынъ етекшиси Э.Суюндукова, АбрамТоьбе авылыннан «Огонек» балалар бавынынъ етекшиси М.Батырова катнастылар.
Билимлендируьв оьзгеристинъ программасы, айтпага, мектебке дейимги ясындагы балалардынъ ата-аналарын билимлендируьв тармагына каратылган, айтпага, патшалыгымыздынъ политикасыннан алып, солай болып, публика алдында шыгып соьйлевдинъ негизине дейим, туьрли темаларга багысланган эди.
Шара тербиялавшы-билимлендируьвшилер ямагатын туьзуьв бойынша йол картасы ман тамамланды.
Суьвретте: шара катнасувшылары.