Балалардынъ талабы кайбиримизге де суьйиниш эм куьез болады. Янъыларда «Ногайский район» МР Билимлендируьв управлениеси мен Халклар ара балалар экологиялык «Климатты туьрлендируьвге саьбийлердинъ карасы» форумнынъ муниципальли кезеги озгарылды.
Конкурста 3 ястан 17 яска дейим балалар катнастылар. Сонынъ акында Билимлендируьв управлениесининъ етекшиси Амерхан Межитов билдиреди.
Эксперт комиссиясы конкурста коьрсетилген ислер мен танысып, енъуьвшилерди белгиледи. «Экоблогер» номинациясы бойынша Эдиге авыл мектебининъ окувшылары Залина Болатова эм Юлдыз Шатемирова енъуьвши болдылар. География дерисининъ окытувшысы К.Елгишиевадынъ етекшилеви астында окувшылар баргылы орынды алдылар.
Москва каласында ызгы кезектинъ сырагыларын келтирдилер. Окувшылардынъ ислери халклар ара кезекте де биринши орынга тийисли болдылар. Яс талапларга келеекте бийикликлер йораймыз.
Бизим хабаршы.
Суьвретте: Залина Болатова мектеб етекшиси мен.