Казан айынынъ 1-нши куьнинде Минеральные Воды каласынынъ Яслык орталыгында Россия халкларынынъ бирлесуьв йылына багысланган профсоюздынъ «Биз бирге! Дослыктынъ сеслери!» деген анъ фестивали йогары коьнъилде уйгынланып озды. Каладынъ он ети мектебке дейим эм мектеб окув ошакларынынъ ис коллективлери аьзирлеген оьз номерлери мен сахнага шыктылар. Сол фестивальде Канглы авыл орта мектебининъ педагоглары да «Тандыр касында» деген театраллык коьрсетуьвининъ кесегин оьнерли ойнавы ман каравшыларды таныстырдылар. Шарадынъ баьри катнасувшылары да анъ фестивалининъ дипломларына тийисли этилдилер. Сол маьнели шара тек ис коллективлерин бирлестируьв болып калмай, халклардынъ ортак тарихин эм аьдетлер байлыгын да коьрсеткен профсоюз козгалысларынынъ бирлигининъ эм дослык баалыгынынъ оьсип оьрленип барувы да болды.
Суьвретте: сахнада Канглы авыл орта мектеб педагоглары.