Халк биюви – ол халктынъ яны, соьнмес санияты, бай асабалыгы. Янъыларда Карашай-Шеркеш Республикасынынъ ат казанган маданият куллыкшысы
Расул Сеитовтынъ атын юритетаган «Маьметекей» деген Халк вокал-хореографиялык ансамбли эм Ногай районынынъ ЭркенЮрт авылыннан «Ак-кув» биюв
ансамбли А.С.Балаенков атындагы Республика бойынша хореографиялык конкурсында экинши орынды бийледи.
Айтып озайык, «Маьметекей» Халк вокал-хореографиялык ансамбли Расул Муссович Сеитов пан (яткан ери ярык болсын) 1996-ншы йыл туьзилген.
2000-ншы йылда ол «Образцовый» деген атка тийисли болган, а 2002-нши йылдан алып, ол «Халк» атын бир минсиз юритип келеди. Оьз етекшиси Расул
Муссович пен коллектив туьрли шараларда белсенли катнасып, коьп кере енъуьвши орынлардынъ иеси болган.
Буьгуьнлерде сол халк вокалхореографиялык ансамбли Расул Муссовичтынъ ян косагы Ирина Ануарбиевна Сеитовадынъ етимисли етекшилеви астында туьрли дережели конкурсларда, базласларда белсенли катнасып, енъуьвши орынларын бийлеп келеди. Республика бойынша хореографиялык конкурсынынъ экинши орынын бийлеген яс артистлерди биюв усталыгын оьнерли коьрсетип болувлары ман кутлай келип, оларга келеекте алдыда коьп яратувшылык етимислерди, оьнерлери дайым оьрленип, халкынынъ атын туьрли ерлерде айттырып келгенин йораймыз.
Г.Нурдинова.
Суьвретте: шара енъуьвшилери.