Янъыларда Дубайдагы атшабыс карнавалы Ногай районыннан «Кунбатар» атлар клубын ваькиллеген Грей Босс айгырдынъ енъуьви мен басланды. Ол экинши атшабыста уьш ясындагы эм оннан да уьйкен айгырлар сырасында биринши болып финишка етти.
Эмиратларда уьйкен атшабыс карнавалы – атшабыс дуныясында энъ де маьнелилердинъ бириси.
Мейдан комплексининъ каравшылар олтыратаган ери бир шакырым ярымнан артады эм 80 мынъ аьдемге дейим оьзине сыйдырады. Бу бизим элимиздинъ жокейлерине тарих етимиси– айтылган Мейдан ипподромында биринши енъуьв.
Айтып озайык, «Кунбатар» атлар клубы алты йылдан бери туьрли базласларда катнаспага атларды оьстиреди эм аьзирлейди. Олардынъ тербияланувшылары россия эм халклар ара ареналарга шыгадылар эм баргылы орынларды аладылар, айтпага, 2023-нши йылда бу клубтынъ аты Хироу Мо Савлайроссиялык Приз Дербиде катнасып, енъуьвши болган. Ол регионды эм элимизди Дубайда ваькиллеп, экинши орынды казанып, тийисли сырагы коьрсеткен.