Дагестан Республикасынынъ Аькимбасы Сергей Меликов «Баьтирлер заманы» президентлик программасынынъ катнасувшылары, Россия Баьтири Энвер Набиев эм Йигитлик орденлерининъ кавалери Магомед Валиханов пан йолыгыс оьткерди.
Йолыгыс барысында ясларды патриотлык тербиялав, аьскерлик-окув орталыклардынъ оьрленуьви, патшалык етекшилевге эм социаллык тармагына согыс аьрекетининъ ветеранларын киритуьв мен байланыслы соравлар ортага салынып ойласылды.
Йолыгыс катнасувшылары быйыл офицерлик кадрларды аьзирлевди басламага ланлаган ДГТИ-де Аьскерлик-окув орталагын келеекте кайтип оьрлентпеге болатаганнынъ акында ойлары ман боьлистилер.
Солай ок йолыгыс барысында программа катнасувшыларынынъ толтырувшы власть органларында, сонынъ ишинде бюджеттинъ кепленуьв кебин уьйренуьв мырад пан, стажировка соравлары каралды. Шара катнасувшылары аьскершилер уьшин реабилитационлык орталыгын курув акында да соьз юриттилер.
Мундай йолыгысларды республика етекшиси тез-тез озгарады эм олар ман дайымлык байланыс тутады.
Л.Эльгайтарова.