Янъы йыл алдында согыс спецоперациясынынъ катнасувшыларынынъ балаларын Червленные Буруны авылында Ногай район администрациясынынъ управделами исин кесек заманга юритуьвши Алия Кусегенова байрам ман кутлады. Ол, коьтеринъки коьнъил аьлин туьзип, саьбийлерге савкатлар тапшырды.
Алия Кусегенова бу куьнлерде Элимиздинъ кызыксынувларын коршалап турган йигитлердинъ аьеллерин коьтергишлевдинъ маьнелигин белгиледи.
Шарада Червленные Буруны авыл аькимбасы Рустам Абдулбариев, Ногай район администрациясынынъ АТК боьлигининъ начальниги Эльмира Нукаева эм авыл маданият уьйининъ етекшиси Феруза Аманкаева ортакшылык эттилер.
Червленные Буруны авыл аькимбасы Рустам Абдулбариев йыйылганлардынъ баьрине де коьтергишлеви эм шарада катнасувы уьшин разылыгын билдирди.
Бу оьзгерис Элимиздинъ япсарларында турып, эр борышын толтыраятканлардынъ аьеллерин эм балаларын коьтергишлев бек маьнели экенин аянлады.
