Дагестан Республикасынынъ Аькимбасы Сергей Меликов Ростехнадзор Федеральлик службасынынъ етекшиси Александр Трембицкий мен ис йолыгыс озгарды. Ол
регион етекшиси федеральлик власть органларына ис борышлары ман барув аьсеринде оьтти.
Йолыгыс барысында эки де яктан да республикамыздынъ кавыфсызлыгын канагатлавдынъ эм оьрленуьвдинъ бас соравлары ортага салынып ойласылды.
Айырым эс каратылды Дагестаннынъ яшавшылар пунктларын догазификациялав, куьзкыс заманын кавыфсыз оьтуьв бойынша РФ Президентининъ тапшырмасын толтырувга, солай ок федеральлик тергеви астында туратаган курылыс проектлерин яшавга шыгарувга эм реконструкциялавга. Сергей Меликов регионнынъ белсенли социал-экономикалык оьрленуьв аьллеринде Ростехнадзордынъ айырым маьнели орынын тутатаганын белгиледи.
Энергетика эм йол бойындагы инфраструктура объектлерининъ кавыфсызлыгына тергев салувды куьшлендируьв бойынша шаралар, уьйкен оьлшемли инфраструктуралык проектлерди яшавга шыгарувда курылыска тергев салув эм биргелес аьрекетлев соравлары айырым аьлде ортага салынып ойласылды.
Йолыгыстынъ сырагылары бойынша Дагестаннынъ берк оьрлентуьв эм онынъ яшавшыларынынъ кавыфсызлыгын канагатлав уьшин биргелес аьрекет этуьвди белсенлетпеге керекте токтастылар.