Курал айынынъ 5-де, «Енъуьв Байрагы» деп аталып, Дагестан ериннен автоювырув басланды. Автомобильлер колоннасы Каспийск майданыннан Сырт Кавказ эм Кубыла федераллык округынынъ регионлары бойынша йол алып шыкты.
Сол куьн «Енъуьв Байрагы» автоювырувдынъ катнасувшылары Северная Осетия – Алания Республикасында Эльхотов капыларын коршалавшыларынынъ Монументи касында Уллы Аталык согысы йылларында яшавларын курман эткен баьтирлерин эске алдылар.
ДР Аькимбасы Сергей Меликовтынъ баславы ман уйгынланган автоювырув курал айынынъ 8-де Волгоград каласында Мамаев курган туьбинде тамамланмага планланган.
Э.Кожаева.