Аьдем яшав оьмири ишинде коьп сезимлерди басыннан, юрегиннен оьткереди. Кыйын да болады,
тыныш та болады, бизим аьр биримиз кайдай да сынавга туьсемиз: аьруьв болсын, кайгылы болсын. Бир Алладынъ коьмеги мен, баьрисин де оьтемиз. Кыйында табылган, кол созган аьдемлерди мутпай-
мыз, оларга да ийги йоравларымызды каратамыз. Мен Ногай орталык больницасынынъ терапия боьлигинде бир неше кере эмлев алганман. Бу куьн медицина куллыкшысынынъ кеспили байрамы
алдында, мен оьзлерининъ сайлаган кесписине алаллыгын коьрсетип, авырувлылардынъ керексинуьвин толтырып, ис аьрекетин бардыратаган куллыкшыларды белгилемей болмайман. Ногай район Орталык больницасынынъ терапия боьлигининъ етекшиси Динара Ханбий кызы Аккишиевадынъ кол астында ислейтаган медициналык куллыкшылары, куьндизги медсестра Айгуль Даурбек кызы Эстувгановадынъ, сол боьликте аьр бир авырувлыга ас еткеретаган Апузар Алимхан кызы Зулкарнаевадынъ этетаган ис аьрекетлерин белгилемеге суьемен. Олардынъ этетаган эмлеви тек дарман ман тувыл, йылы соьзи, сага караган караслары тек коьнъилинъди коьтереди. Ак юрегимнен сизге сыйлы медицина куллыкшылары, ден савлыкты, узак оьмирди йорайман. Сизинъ халкка этета-
ган яхшылыгынъыз мынъ кабат болып кайтсын.
Кеспили байрамынъыз хайырлы болсын!
В.Хаджимурадова,
Терекли-Мектеб авыл яшавшысы.
Суьвретте: Ногай Орталык больницасынынъ терапия боьлигининъ куллыкшылары.