Янъыларда Тарумов районынынъ Ново-Дмитриевка авыл орта мектебининъ 7-нши «б» классынынъ балалары да, баска мектеб окувшылар ман бир сырада, согыс спецоперация юрген ерде болган аьскершилеримизге посылкалар йыйнав бойынша «Ийги ислер юмалыгы» деген саваплык акциясын уйгынлап
озгардылар. Посылкаларга биринши сырада керекли затларын, таьтли зияпетлерин, туьрли дарманларын, иш кийимлерин, футболкалар, йылы кийимлерин, гигиена амалларын, аьскершилерге коьп болжалга сакланатаган азык-туьликлерин йибермеге аьзирледилер. Айырым эс согыс спецоперация юрген ерде аьскершилерди коьнъиллик яктан коьтергишлевге де каратылды.
Окувшылар йылы хатлар, открыткалар да яздылар. Балалар ман йыйылган посылкалар, келеекте аьскершилердинъ юреклеринде сенимди беркитип, сувык эм ызгар окопларда, блиндажларда коьнъиллерин йылытып, коьтергишлеп, явды енъмеге куьш-куват береегине сенемиз.
Бизим хабаршы.