СВО еринде баьтирлерше ян берген окувшым Салавдин Аметовка багыслайман

Баьтирлердинъ сырасында
Суьвретинъди коьремен.
Балалыгынъ коьз алдымда,
Кайтпаягын билемен.

Юзинъ юмсак, ашык соьзинъ,
Алал эдинъ досларга.
Элинъ уьшин, шоьлинъ уьшин
Кеттинъ, йигит, согыска.

Сенинъ эки увылларынъ
Суьвретинъе карарлар.
Кешип кеттинъ, атам, – деп,
Сага олар айтарлар.

Явдынъ яман куьллеси
Яшатпага бермеди.
Ата-ана азбарына
Кайтып тагы келмединъ.

Сен окыган мектебте
Суьвретинъе карайман.
Оьктемлик пен, окувшым,
Сени буьгуьн данъклайман.

Салимет Кельдасова, Калинин авылы.