Янъыларда Дагестан Аькимбасы Сергей Меликов Кизляр районынынъ «Эстелик бавы» деген мемориаллык комплексин ашты. Мемориаллык такталарында туьрли савытлы кавгаласувларда Аталыкты коршалавда янларын курман эткен уьш мынънан артык Кизляр район яшавшыларынынъ атлары оьмирлетилген.
Бавда алты юзден артык тереклер эм без юз гуьл шешекейлери уьш гектар майдан ерине олтыртылганлар. Баска болып, «Комфортная городская среда» деген программа бойынша балалар уьшин майдан да ярастырылган.
«Эстелик бавы» – ол бизим сизи мен барганда оьз увылларымыздынъ аьр бир теректе, аьр кайсы япыракта, елдинъ аьр бир тынысында оьз увылларымыздынъ болувларын сезеек еримиз болар, – деди Сергей Меликов.
Сондай бавларды оьстируьвининъ ой-ниет баславы, 2022- нши йылда янлары курман болган согыс спецоперация катнасувшыларынынъ ата-аналары увылларынынъ эстелигине емис тереклерин шашканда, тувган.
Буьгуьнлерде сондай мемориаллык бавлары эм аллеялары республикамыздынъ баьри калаларында эм районларында да бар. Онынъ шатлыклы ашылувында «Время Героев» эм «Доблесть гор» программаларынынъ, ямагат организацияларынынъ ваькиллери, баска болып, ян берген аьскершилердинъ кардаштувганлары да ортакшылык эттилер.
Суьвретте: шарадан коьринис.