Россиядынъ бас муфтийи шейх Равиль Гайнудиннинъ хош коьруьви мен меценат, дагестан халкынынъ увылы Сулейман Керимовтынъ саваплык программасы бойынша СВО катнасувшылары, олардынъ аьеллери эм ювыклары уьшин быйыл Меккага эм Мединага хаджга тегин путевкалар ман барувга 5 мынъ аьдемге акша шыгарылган.
«Казыят» саваплык фонды хаджга кеткенлерге оьз ягыннан ярдамын тийгистти, фонд председатели Рашид Акказиев халкымыздынъ кайбир сыйлы ваькиллерин сол узак йол ман алып барды. Олар – СВО катнасувшыларынынъ ювыклары: Карашай-Шеркеш Республикасынынъ Ногай районынынъ яшавшысы Абрек Келендиков эм Дагестан Республикасынынъ Ногай районыннан Саадин Отегенов, СВО катнасувшысы Мурадин Мурзаев (КЧР).
Закон ман келисте, СВО катнасувшылары аьскерлик службасын оьтеятып, шет
эллерге барып болмайды. Ама, СВО еринде согыс урысында кателенип, коьз
коьруьви осаллаганы ман байланыста СВО катнасувшысы Мурадин Мурзаев
отставкага шыккан. Абрек Календиков – СВО еринде аьскерлик борышын толтырувда коьрсеткен йигитлиги уьшин РФ Президенти Владимир Путиннинъ Указы ман Баьтирлик ордени мен савгаланган (оьлгеннен сонъ) Айтек Календиковтынъ агасы.
Ердесимиз, Терекли-Мектеб авыл яшавшысы Саадин Отегенов – аьлиги заманда элин коршалавда аьскерлик борышын толтыратаган СВО катнасувшысы Джамалутдин Отегеновтынъ атасы.