Озган юмадынъ ишинде «Ногайский район» МР аькимбасы Джамалутдин Эсиргепов Дагестан Республикасынынъ йол хозяйстволык эм транспорт министрининъ куллыгын юритуьвшиси Джамбулат Гаджиев пен йолыгысты. Актуальли соравларды ойласувда ДР Халк Йыйынынынъ депутаты Алибек Мурзаев катнасты.
Йолыгыста осал аьлдеги республикалык, муниципаллык маьнели йолларды туьзетуьв, энъ де бириншилей кайсы борышларды шешуьв соравлары каралды. Айырым маьне Ногай районынынъ Куьнбатар, Шумлелик, Кумлы, Эдиге, Уйсалган авылларына баратаган йолларга берилди.
Джамбулат Гаджиев бу маьселелердинъ оьткирлигин анълап, баьри амаллар алынар деп сендирди. Ол коьрсетилген соравларды шешилуьвди тергев этеегин эм ол етекшилейтаган министерство керекли документлерди аьзирлев уьстинде куллык этеегин белгиледи. Йолыгыстынъ сырагыларына коьре, маьселелерди шешуьв бойынша план салынды.
Бизим хабаршы.