Дагестан Аькимбасы Сергей Меликов Одинцово мектебинде шапкынлык болган аьсерде окувшыларды баьле-казадан коршалаган окытувшы Алина
Файзуллаевага (асылы ман ол Дагестаннан) уьйкен разылыгын билдирди.
Регион етекшиси коркынышсызлык коьрсеткен кыскаяклы Дагестаннан экенлиги мен оьктемсийтаганын белгиледи. Оны ман телефон аркалы соьйлевде,
ол окытувшыга республикадынъ баьри яшавшылары атыннан уьйкен разылыгын билдирди. С.Меликов онынъ йигерли кепте карсы турганын йигитлик уьлгиси деп атады эм, окытувшы оьзин шынты коршалавшы эсабында юриткенин белгилеп, сырагылар кайгылы болмага болаягы акында айтты.
Окытувшыга сый этуьв белгиси эсабында Дагестаннынъ Дайымлык етекшилигининъ басшысы ювык арада окытувшыдынъ аьелинде янъыйыллык савкатлары ман бармага ниетлиги бар. Оннан баскалай, регион етекшисининъ соьзлерине коьре, окытувшыдынъ сол йигит иси Дагестан Республикасынынъ йогары савгасы ман белгиленеек. Сергей Меликов Россия халкларынынъ Бирлик йылы алдында сога кусаган баьле-казалар кайтаралып болмасын уьшин колдан
керек баьри затты этпеге керегин белгилемеге тийислимиз. Ол солай ок ян берген кедединъ ювыкларына, окытувшыларына эм досларына ак юректен оьз
кайгырувларын билдирди,
Дагестан бу баьле-каза ман байланыслы каты кайгыды боьлисетаганын белгилеп.