Ийги аьдет бойынша элимиздинъ мектеблеринде, сонынъ сырасында Ногай районында да, Янъы окув йылы шатлыклы линейкадан басланады. Биринши занъ байрамына багысланган шарага Кадрия атындагы мектебинде окытувшылар, окувшылар, ата-аналар йыйылганлар, шатлык иелерин Билимлер куьни мен кутламага конаклар да келген.

Шарады кутлав соьзи мен мектеб етекшиси ашты. Ол, элимиздинъ яркыраган келеектегисине йолды окувшылар ярык этпеге болаягын белгиледи. Солай ок окытувшыларга шыдамлыгы эм каьмбиллиги, исине алаллыгы эм балаларга суьйими, ата-аналарга эткен коьтергишлеви уьшин разылыгын билдирди.
Мектеб азбарынынъ ортасына окытувшысы Земфира Уразаева ман бирге биринши кере мектебке келген балалар шакырылдылар. Оларга уьйкен класс окувшылары савкатлар тапшырдылар. Сонъ
1-нши класс окувшылары шалысып ятлавлар окыдылар, 2-нши класс окувшысы Адриана Лыкова йыр йырлады. Шара бойынша йыйылганларды Билимлер куьни мен Ногай район администрация
аькимбасынынъ орынбасары Мурат Шадиев, ТереклиМектеб авыл аькимбасы Марат Кулунчаков кутладылар. Мине энъ де маьнели эм юректи телезиткен шак етти. Мектеб занъын сокпага сыйлы
ыхтыяр 11-нши класс окувшылары Марат Кульдиев пен Нурлан Кидирниязовка эм 1-нши
класс окувшылары Апузар Шабановага, Карина Аджиевага, Малика Айтманбетовага берилди. Шалынады биринши занъ. Шакырады биринши занъ дериске. Биринши болып мектебке 1-нши класс окувшылары киредилер…
Нурият Кожаева.