РФ Президенти Владимир Путин орыс тилин эм Россия халкларынынъ тиллерин колтыклав ман бай-
ланыста патшалык программады яшавга шыгарув бойынша Совет кенъесининъ барысында Россия-
да Дагестаннынъ халк шаири Расул Гамзатовтынъ тувган куьни – 8-нши сентябрьде Россия халклар тиллерининъ куьнин токтастырмага маслагат берди.
ДР-нынъ «Дагестан» Этномедиахолдинг ГБУ етекшисининъ куллыгын юритуьвши Абдуразак Джа-
малутдинов Владимир Путиннинъ баславы бойынша оьз ойлары ман боьлисти:
– Биз, миллет коьлемлик информациялар амалларынынъ журналистлери, Россия Президенти Владимир Путиннинъ Россия халклар тиллерининъ куьнин токтастырув акында баславын толысынша хош коьремиз. Ол элимиздинъ маданият туьрлилигин саклав бойынша бек маьнели зат болганлай, ол солай ок исти белсенлетуьвде себеплигин тийгистеди. Соны ман байланыста боьтен де маьнели Дагестан етекшиси Сергей Меликовтынъ ДР Халк Йыйынына каратылган Язбасында белгиленип айтылган Дагестан халкларынынъ тиллерин саклав бойынша патшалык программасын туьзуьв акында баславы. Бизим тиллер эм маданият келеектегиси ушин ол бек керекли зат. «Этномедиахолдинг» журналистлери эм бизим коллегалар алдында ювык арада маьнели борыш тураяк – туьзиле-
яткан патшалык программасында Дагестан халклар тиллеринде дуныя юзине шыгатаган миллет коьлемлик информациялар амалларынынъ тутатаган бас орынын белгилев. Сонда бизим кеспилигимиз эм йыйылган сулыбымыз пайда аькелееги шек тувдырмайды, эм биз Дагестаннынъ тил байлыгын саклавга эм оьрлендируьвге сезимли себеплик этпеге болаякпыз. Бу – бизим ортак борыш, эм оны толтырув ман байланыслы бизим маданиятымыздынъ келеектегиси эм асабалыгымыздынъ
аьлеметлиги, – деди ол.
Онынъ айтувы ман, РФ Президентининъ Россия халклар тиллерининъ куьнин токтастырув акын-
да баславы – элимиздинъ маданият туьрлилигин саклавда бек керекли эм маьнели абыт. Эм соны ман бирге дагестанлыларга байыр асабалыгы – тиллерди саклавга артык эс каратувга амал тувады.