Россия бойынша кырк кийик айынынъ 18-20-нши куьнлеринде тавыс беруьвдинъ ортак куьнлери деп беркитилген. Уьш куьн узагында Россия Федерациясы бойынша, сол санда бизим республика эм Ногай районымызда байрам кебинде оьткерилди. Уьйде хозяйство юритетаган аьдемлер кийинип-ясанып, дуныя ярыгына шыкпага амал таптылар. Элбетте, сайлавларда ортакшылык этуьв – бек яваплы ис. Сенинъ бир тавыс беруьвинънен коьп зат – элдинъ келеектегиси, халкынънынъ оьрленуьви, аьдем яшавынынъ сапатынынъ оьсуьви себепли болады. Тек туьнегуьнлерде оьткен сайлавларда бизим Ногай районымыз оьз белсенлигин эм яваплылыгын коьрсетти. Ногай районымыздынъ Карагас авыл орта мектебининъ коллективи куьплесип, оьз тавысын Элдинъ ярык келеектегиси уьшин бердилер. Окытувшылар – олар коьрим болатаган кеспидинъ иелери, сайлавларда да оьзлерининъ белсенлигин коьрсеттилер.