Россия офицерлери эм аьскершилери – шынты баьтирлер, олар бу куьнлерде СВО озып турган ерде борышларды сыйы ман намыслы толтырадылар. Олардынъ эткен исине етекшилев дайым да эс этеди, тувган еринде де уьйкен оьктемлик пен олар белгиленедилер. Янъыларда Кизляр районынынъ аькимбасы Аким Микиров администрация меканында согыс спецоперация катнасувшысы Исмаил Магомедовтынъ анасына Разылык тапшырды.
Кубыла аьскер округынынъ 79176-ншы номерли аьскер боьлигининъ етекшилевиннен прапорщик Исмаил Арсенович Магомедов Элин коршалав бойынша алдына салынган борышларды тийисли толтырганы ман байланыслы болып, онынъ анасына шынты Аталыкты коршалавшысын тербиялаганы уьшин уьйкен разылык билдирмеге карар алынган.
Администрацияда озган йолыгыс барысында СВО катнасувшысы Исмаил Магомедов акында айтылды. Ол элине кыйын заманда, Россиядынъ шынты увыллары ман бирге, оны коршаламага турган эм бу куьнлерде ювык аьдемлерининъ эм баьри ердеслерининъ оьктемлигине етекшилеви мен белгиленип туры.
Йолыгыстынъ сонъында Аким Микиров Исмаилдынъ анасына савболсынын айтып, ол енъуьв мен тезден уьйге кайтканын йорады. Кизляр районынынъ аькимбасы аьр бир СВО катнасувшысынынъ баьтирлиги халк эсинде калаягын эм оьсип келеяткан яс несилге коьрим болаягын белгиледи.
Н.Кожаева.
Суьвретте: савгалав мезгили.