Янъыларда Ногай район аькимбасынынъ орынбасары Рашид Шангереев согыс спецоперация катнасувшыларына эм олардынъ аьеллерине ярдам этуьв бойынша Штабынынъ агзалары ман йыйын озгарды.
Йыйын барысында бу куьн СВО катнасувшыларынынъ аьеллериннен туьскен эки аьризе каралды. Биревинде – СВО катнасувшысынынъ анасына, экиншисинде – хатынына материаллык ярдам кереги акында эди.
Штаб катнасувшылары биринши аьризе бойынша тилекти толтырмага, экиншиси бойынша тийисли шартларга коьре, ойласувга йиберилди.
Бу куьнги шарада Ямагат палатасынынъ председатели Э.Саитов, «Ногайский район» МО-сындагы ДР УСЗН ГКУ етекшиси Б.Тангатаров, ДР КЦСОН ГБУ етекшиси Х.Саитов, ДР Ямагат палатасынынъ агзасы, Ногай район Хатын-кызлар союзынынъ председатели А.Манкаева, «Яслык» яслар орталыгынынъ етекшиси А.Шамбилов эм Ногай район МО администрация специалистлери ортакшылык эттилер.
Йыйын йылы хабарласув, маслагатласув кебинде озды. Мунда ортакшылык эткен аьдемлер бу куьн власть органлары ман СВО катнасувшыларынынъ аьеллери араларында болмага керек байланыс эм алдыда олар ман этилмеге керек куллыклар планларын туьзуьв акында соьйледилер.
Солар ишинде энъ маьнели деп – СВО катнасувшыларына эм олардынъ аьеллерине материаллык ярдам акында соравды айырдылар.
Материаллык ярдам этилуьвдинъ айырым шартларын белгилев борышын «Яслык» яслар орталыгынынъ етекшиси Абибулла Шамбиловка борыш берилди.
Г.Сагиндикова.