30-ншы июльде Халклар ара
дослык куьни белгиленеди, оны
дуныяда тыпак катнасларды берк этер уьшин беркиткенлер. Йылы катнаслар – ол бир бирин сыйлавга, коьтергишлевге эм субып пан боьлисуьвге негизленген терен байла-
ныс. Татымлык тек айырым аьдемлерди тувыл, савлай халкларды, эллерди эм маданиятларды биргелестиреди.
Белгили аьдемлер татымлыксыз
яшавды, куьннинъ коьзи йылыт-
паган дуныя ман тенълестирген-
лер. Оны ман байланыслы аьр бир аьдемнинъ таьтли эскеруьвлери юрегин йылыта болар деп ойлайман. Сол шынты катнаслар бал татыган бала заманда яде болса
язлыктай яйнаган яслык заманда, эгер де емисли куьздей эсли шакта тувмага болады. Савлай яшав
бойынша татымласкан аьдемлер де табылады.
Дослык кайсы заманларда да
куьшли бааланган. Бурынгы йыллардан алып бу куьнлерге дейим шынты татымлыктынъ мысалыларын келтирмеге болады. Аьвелги
заманларда йылы катнаслар патшалык аьрекетшилерининъ, язувшылардынъ, артистлердинъ эм баскалардынъ яшавларын ярасыклаган.
Неше де эки белгили инсанлар арасындагы дослык уллы элдинъ оьрленуьвине, савлай халклар онъайлыгына демевлик эткен. Соны ман бирге бу ийги сезим согысларды
токтатып, не шаклы аьдемлердинъ яшавларын куткарганы да белгили. Бу куьнлерде согыс спецоперация барысында россия аьскерши-
лери арасындагы тыпаклык, аьскер кардашлык акында айтпасак соьзимиз толы болмас деп ойлайман.
Кардашлык, касындагыды куткарув – ол бизим аьскершилердинъ
канында. Неше кере биз эситемиз СВО барысында россия аьскершилери бир-бирин куткарганы, оьз
аркасында бир неше шакырым коьтерип, оьзлериндикилерге еткергени акында, сол тувыл ма шынты кардаш катнаслар эм тыпаклык. Бу ерде шынты тыпаклык тек каьмбиллик пен бирге бааланып калмай,
ол аьдемге оьз яшавыннан да баалы деген ойга мени аькелди. Россия аьскершилери тек оьзлериндикин тувыл, биревди де кыйынлыкларда калдырмайдылар. Олар СВО
барысында авылларды босатаятып, яшавшылар акында да каьр шегедилер. Оларга ас-сув аькеледилер,
баска урыслар юрмеек ерлерге коьширмеге ярдам этедилер.
Россия Халклар Бирлик йылын-
да тыпаклык акында айтув боь-
тен де келисли. Бизим элимиздинъ яшавшылары тек кыйынлы согыс заманларда тувыл, тынышлы яшавда да бирине коьмек колын созба-
га, кайгысын боьлиспеге аьзир-
лер. Янъыларда республикамыз бек кыйынлы заманлардан оьтти. Куьшли ямгырлар явып, аьдемлер уьйсиз, муьлксиз калдылар. Дагестанлылар биргелесип, кыйынлыкларды оьттилер, йок болган аьдем-
лерди изледилер, малды куткардылар, тонналап гуманитарлык юклер
йыйнадылар… Дагестанга баска
Кавказ республикалардан, савлай элимизден коьмек келди. Оннан баскалай, дагестанлыларга оьзлери
тыныш болмаган аьллердеги Палестина эм Луганск Халк Республикасыннан да коьмек келди. Оьзек те, коьмек туьрли эди, Палестина гуманитарлык ярдам этти, Лугансктан
куткарувшылар келдилер. Сол авыр куьнлерде Дагестаннынъ артында савлай уллы Элимиз коьтергишлев болып турды.
Халклар ара тыпаклык куьни дуныядынъ аьр бир муьйисин-
де туьрли этип байрамшыланады.
Европада бир-бирине кишкей савкатлар, открыткалар тапшырадылар. Россида болса концертлер, выставкалар, фестивальлер уйгынланадылар. Яслар бирге табиатка шыгадылар яде ресторанларда
олтырадылар, социаллык байла-
нысларда бир-бирин кутлайдылар.
Айтып озайык, социаллык сеть-
лер бизге коьп янъы амаллар савкатлаганлар. Аьли туьрли эллерде, континентлерде яшаган аьдемлер досласпага, боьлиспеге боладылар.
Ама интернет аркалы кир ниетли аьдемлерге алданув да бек тыныш.
Илми яктан ыспатланган: берк
тыпаклык иммунитетти беркитеди, яшавынъызга йыллар да коспага болады. Ол бизим эсимизге ялгыз
тувыл экенимизди салады, сол,
оьзек те, куьш те береди.
Халклар ара тыпаклык куьни
– байрамнынъ бас маьнеси бетке-бет коьрисип, йылы катнасувда экенин эске салады. Социаллык байланысларды да кулланынъыз, кызык-
сынувларынъыз бирдей аьдемлер табынъыз, тек шынты дуныядынъ акында да мутпанъыз, алал дос пан
коьриспеге, куьлкисин эситпеге эм коьтергишлев  ийинин сезбеге.

Нурият Кожаева.