Янъыларда Кизляр районынынъ аькимбасы Аким Микиров Шаумян эм Заречное авылларынынъ яшавшылары ман, солардынъ ишинде согыс спецоперация катнасувшысы Марат Салимов пан да йолыгыс озгарды. Йолыгыстынъ барысында авыллардынъ актуальли маьселелери эм, айырым, йол инфраструктура эм билимлендируьв тармаклары бойынша соравлары каралдылар. Авыллардынъ яшавшылары район аькимбасына СВО катнасувшыларына берилген ер участокларына подъездлик йолларын онъайластырув бойынша тилегин де билдирдилер. Баска болып, янъы мектебининъ салынувы, мектеб
меканында санузел тармагы  янъыртув бойынша соравлары да коьтерилди. Аким Микиров аьр бир аьризеди тынълап, анълатувларын этти, айтылган маьселелер айырым тергев астында тураягын белгиледи.
Йолыгыстынъ барысында район аькимбасы кесек заманга тыншаювга келген СВО катнасувшысы Марат Салимовка, согыс спецоперация юрген ерде катнаскан аьскершилердинъ керексинуьвлери бойынша сорады эм СВО катнасувшылардынъ эм олардыъ агзаларына, аьеллерине баьри ягыннан да демевлик этилуьви маьнели экенин белгиледи.
Йолыгысты тамамлай келип, Аким Микиров согыс спецоперация катнасувшысы Марат Салимовка гражданлык белсенлиги, солай болып, тувган авылынынъ бактысы уьшин яны авырувына разылыгын билдирди. Кизляр районынынъ аькимбасы, яшавшылар ман ашык хабарласувга эм аьр бир авылда ийги сапатлы яшавы уьстинде биргелес эм етимисли аьрекет этпеге, дайым аьзир экенин билдирди.
Суьвретте: йолыгыста.