ДР Аькимбасы Сергей Меликовтынъ басшылыгыман курылыс бойынша Координационлык штабынынъ кенъеси озгарылды. Онда регионда объектлердинъ курылысы, реконструкциясы эм капиталлык ремонты бойынша миллет проектлер эм патшалык программалар ман белгиленген бир неше соравлар ортага салынып каралды: етим балаларды турак уьйлер мен канагатлав, билимлен-
дируьв объектлердинъ курылысы, йоллар курылысы, коммуналлык инфраструктурасынынъ модернизациясы эм баскалар. Айтпага, кенъесте «Аьелди яклав» эм «Баьри ийги зат – балаларга» федераллык программалар ишинде 8 билимлендируьв объектлердинъ курылысы акында соьз бардырылды. Биринши вице-премьер Манвел Мажонц баска патшалык программалардынъ яшав-
га шыгарылувы акында билдирди, сонынъ ишинде авариялык аьлге келген турак фондыннан яшавшыларды коьшируьв планланатаганын.