Дагестан Республикасынынъ Аькимбасы Федор Щукин «Каспий» батальонынынъ етекшиси Заур Мингишев пен йолыгысты.
Дагестан Республикасынынъ аьскер боьлиги СВО еринде, алдышылыкта алдыга салынган борышларды тийисли аьлде, йогары дережеде бир йыл тувыл, сол
оьзгерисли аьрекет басланганы бери, толтырып келеди. Коьплеген аьскерши ердеслеримиз йогары регионаллык эм федераллык савгаларга тийисли болып келедилер. Солардынъ аьр бирисининъ артында – байыр йигитлик, йигерлик эм дослык.
Бу куьнги йолыгыста регион етекшиси Заур Мингишев пен бирге аьскершилердинъ яшав аьлин, олардынъ ювыкларына кайдай ярдам этпеге болатаганы акында соьйлестилер, алдыда планларды да ойластылар.
– Аьли уьшин бизим йигерли йигитлер, колларына савыт алып, Элди коршалавда турганда, биз оларга берк тылды канагатламага борышлымыз. Мен оьз ягымнан батальонды колтыкламага аьзир. Бирге бир кайсы кыйынлыкты да оьтпеге болармыз, неге десе биз ортак исти толтырамыз, – деди Федор Щукин, Заур Мингишев пен аманласа келип.