Тек янъыларда Дагестан Республикасында Бирлик куьн байрамы белгиленди. Савлай республикамыздынъ калаларында эм район орталыкларында, оьлшемине коьре кишкей болмаган, шатлыклы шаралар бу куьнге багысланып оьттилер. ДР Оькиметининъ Председатели Абдулмуслим Абдулмуслимов та сол шатлыклы шаралардынъ бирисинде ортакшылык этти.
Ол бу куьн Махачкала каласынынъ Даггосфилармониясынынъ яй майданына йыйылган халкты байрам ман кутлады. Байрам программасы бойынша йыйылган юзлеген аьдемлер туьрли дагестанлы миллетлерининъ тиллеринде йырлар эситтилер, биювлер коьрдилер. Шарады аша келип, Абдулмуслим Абдулмуслимов бу байрамнынъ тарих маьнелигин айырып, XVIII оьмирде дагестанлы халк биргелесип, Надиршахтынъ етекшилеви астында иранлы шапкыншыларга карсы турганларын да айтты. «Дагестаннынъ халкларынынъ бирлик куьни – бизим ортак куватымыздынъ белгиси, атабабаларымыз бан язылган бизим тарих, келеек несиллерге насихат», – деди премьер-министр. Солай ок, ол бу йыл белгиси – Аталыкты Коршалавшы йыл экенин де эске салып, байрамнынъ боьтен де маьнеси оьседи, неге десе дагестанлы халклар СВО зонасында йигерлик коьрсетип, Элдинъ кызыксынувларын яклайдылар. Бизим республикамызда яшайтаган туьрли миллетли аьдемлер араларында урысларды, урсысларды этуьв бос экенин сол кавгаласувларды этпеге суьйгенлер анълаганлар, бизде тыпаклыкка, бирликке ымтылыс – яшавдынъ негизи. Оьзининъ кутлав соьзин ДР Оькиметининъ премьер-министри
булай деп тамамлады:
– Бизим буьгуьнги борышымыз
– бар онъайлыкларымызды арттырув эм тувган еримизди данъклав, сонынъ байыр маданиятын, саниятын саклав», – деди ол.