ДР Аькимбасы Сергей Меликовтынъ Указына коьре исте етискен уьстинликлери, белсенли ямагат аьрекети эм коьпйыллык намыслы куллык этуьви уьшин туьрли тармаклардан хыйлы ердеслеримиз Дагестан Республикасынынъ патшалык савгаларына тийисли болганлар, айырым белгилеп айтсак, Ногай районынынъ «село Кумли» СП аькимбасы Сакинат Елманбетова – «Тувган ерине суьйимлиги уьшин» сый белгисин, ногай композиторы Яхья Кудайбердиевке «Дагестан Республикасы алдында етимислери уьшин» ордени берилген. «Айланай» патшалык ногай фольклорэтнографиялык ансамблининъ артисты Залимхан Колебаев – «ДР-нынъ ат казанган артисты», РФ Халк билимлендируьв эм илми куллыкшыларынынъ Ногай район профсоюз организациясынынъ ветеранлар Советининъ агзасы Сабират Суюндикова – «ДР ясларынынъ ат казанган маслагатшысы», «Ногайский район» МР администрация специалистлери Зульфира Башантавова эм Альфира Дильманбетова – «ДР-нынъ муниципаллык службасынынъ ат казанган куллыкшысы», Кадрия атындагы орта мектебининъ
директоры Альфия Акимова – «ДР-нынъ билимлендируьв тармагынынъ ат казанган куллыкшысы», С.Батыров атындагы саниятлар мектебининъ окытувшысы Анжела Аджиева «ДР-нынъ ат казанган маданият куллыкшысы» деген сыйлы атларды казанганлар. «Йигитлик уьшин» медалине согыс урыслар барысында эрлигин, коркынышлыгын эм баьтирлигин коьрсеткен согыс аьрекетининъ ветераны, СВО катнасувшысы, Ногай районында «Память гор» ДРОО етекшиси Артур Тангатаров тийисли этилинди.
* Ердесимиз, ТереклиМектеб авыл яшавшысы, СВО катнасувшысы Камиль Атангулов ЛНР еринде коьрсеткен йигитлиги уьшин «За заслуги» медали мен савгаланган. Аьскершиге РФ СВО согыс аьрекетининъ ветераны» деген ат берилген.
* СВО катнасувшысы, Карагас авыл яшавшысы Алимгерей Абукаев Йигитлик ордени мен савгаланган.
* Дагестан Республика Оькиметининъ Сый грамотасы ман «Шоьл тавысы» республикалык газетасынынъ боьлик редакторы Галима Курганова эм корреспонденти Гульмира Нурдинова савгаландылар.
* Г.Цадаса атындагы РАН Дагестан орталыгынынъ тил, адабият эм саният институтынынъ фольклор боьлигининъ тамада куллыкшысы, филология илмилер кандидаты, доцент Фания Кусегенова Савлайроссиялык ямагат савгалары эм илми атлары бойынша комитети атыннан «РФ-нынъ билимлендируьв эм илми тармагы алдында етискен уьстинликлери уьшин» деген ордени мен савгаланган.
* Дагестан Республикасынынъ Халк язувшысы Бийке Искаховна Кулунчаковага Расул Гамзатовтынъ медали тапшырылган.
* РФ депутаты Бийсултан Хамзаев ис йорыгы бойынша Ногай районында конакта болып кетти. Ол А-Х.Ш.Джанибеков атындагы орта мектебининъ ярастырувына коьмек эткен.
* Ногай халк саз алатлар патшалык оркестрининъ етекшиси Бекмурза Кудайбердиев ДР Ямагат палатасынынъ йогары савгасы – «Ямагат алдында казанган етимислери уьшин» медали тапшырылып, солай ок янъыларда ол «ДР-нынъ ат казанган саният аьрекетшиси» деген сыйлы ат пан савгаланувга тийисли
болды.
* Дагестан Халк шаири, язувшы, журналист, РФ Язувшылар эм Журналистлер союзларынынъ агзасы Анварбек Култаевке «Ногай районынынъ сыйлы гражданини» деген оьрметли ат тапшырылды.
Л.Уразаева.
