Дагестанда Россия халклар Бирлигининъ йылын озгарув бойынша республикалык уйгынлав комитети туьзилген. Оны туьзуьв акында токтаска Сергей Меликов
кол баскан.
Комитет сырасына власть органлар эм ямагат организациялар ваькиллери киргенлер. Бу юма ишинде Дагестан Аькимбасы уйгынлав комитетининъ биринши кенъесин озгараяк. Онда республикамыздынъ баьри калаларында эм районларында озгарылаяк шаралар планы ортага салынып ойласылаяк.
Белгили болганлай, РФ Президентининъ указы ман 2026-ншы йыл Россия халклар Бирлигининъ йылы деп билдирилген. Сергей Меликовтынъ айтувы ман, онлаган туьрли халклар яшайтаган Дагестан уьшин бу карардынъ айырым уьйкен маьнелиги бар.
