Янъыларда Дагестан Аькимбасы Сергей Меликов «Доблесть гор» проектининъ ортакшылары ман йолыгысты. Республика етекшисининъ баславы ман туьзилген бу региональлик проект «Время героев» федераллык программасы ман усаслы.
Республика етекшисининъ прессслужбасы билдиргенлей, сол проект яшавга шыгарылув ман онлаган СВО катнасувшылары эм ветеранлары армаганда ис пен каьрлевге кирисуьв уьшин экономика эм финанслар негизлерин уьйренедилер.
Аталык Баьтирлерининъ куьнинде регион етекшиси Сергей Меликов бу республикалык программасы бойынша отыздан артык СВО катнасувшылары эм ветеранлары негизли билимлер алатаган майданда болып кетти. Бу проект уьстимиздеги айдынъ басыннан алып яшавга шыгарылады. Программадынъ аьр
катнасувшысында Дагестаннынъ власть органлар етекшилери, муниципаллык туьзилислер аькимбаслары, республикалык депутатлары эм ДР Аькимбасы эм Оькимети Администрациясынынъ куллыкшылар саныннан оьз насихатшысы бар.
Программа катнасувшылары эки юма узагында республика оьрленуьви уьшин бир неше маьнели ис тармаклары ман байланыслы соравларга эс каратаяклар: налог тармагы, ис пен басшылав, промышленность эм инвестициялар, АПК, туризм, ЖКХ, коьлик эм социаллык тармаклары.
Алган билимлери оларга пайдалык пан басшылав талабына уьйренуьвге, финанс ягыннан негизленген эм стратегиялык карарларды кабыл этип алмага коьмек этеек. Бу затларга уьйренуьвдинъ толайысы программасы бир йылга эсапланып, ога 502 академический саьат киргистилген. Оны РАНХиГС (Высшая школа государственного управления) ДР Аькимбасы эм Оькимети Администрациясы ман биргелесте яшавга шыгарады.