Дагестаннынъ янъы тарихинде быйылдынъ 3-нши-30-ншы сентябрь куьнлеринде биринши
кере физкультура-спорт шарасы озгарылады. Ол регионда йыл сайын 15-нши сентябрьде белгиленетаган Дагестан халкларынынъ Бирлик куьнине, солай ок Уллы Енъуьвдинъ 80 йыллыгына эм элимизде Аталык Коршалавшы йылына багысланып оьткериледи.
Базласлар спорттынъ 16 кеплери бойынша оьтеек: эркин куьрес, бокс, дзюдо, волейбол, киши-футбол, октан атув эм с.б.
Бас шаралар Махачкалада «Труд» стадион майданында, Каспийскте Али Алиев атындагы спорт эм яслар Дворецинде, Махачкалада Джафаров атындагы спорт комплексинде эм Шахматлар уьйинде озгарылаяк. Енъуьвши командалар эм призерлар акшалай баргылары ман, кубоклар эм дипломлар ман савгаланаяклар.