Россия Президенти Владимир Путиннинъ баславы ман 2026-ншы йыл Элимизде Россия халклар бирлигининъ йылы деп белгиленген. Соннан тура маслагатты Савлайроссиялык казачий ямагатынынъ атаманы Виталий Кузнецов 2025-нши йылдынъ 5-нши ноябринде Кремльде озган миллетлер ара катнаслар бойынша Советининъ кенъесинде берген. Бу оьзгеристинъ мырады – бизим коьпмиллетли элимизде яшаган туьрли халклардынъ татымлык байланысын беркитуьв. Халклар бирлигининъ йылын озгарув элимиздинъ баьри гражданларынынъ арасында миллет бирликке, тыпаклыкка эм макулласувга етисуьвге шакыртылган. Россия миллет политикасынынъ негизи – онынъ еринде яшаган аьр бир халкынынъ аьдетлерин саклав. Россия еринде 190 халклар эм миллет куьплер яшайды. Энъ де коьп санлылары орыслар, татарлар, мышыгызлар, башкирлер, чувашлар, аварлар эм эрмелилер. Олардынъ кайбириси ортак маданиятка, бизим патшалыгымыздынъ тарихине бек баалы уьлис косады. Биз баьримиз бирге экономикады курамыз, Элимизди коршалаймыз эм келеектегиди туьземиз. Россиядынъ куватлыгы – халкларынынъ бирлигинде.
Нурият Кожаева.